СЫБАЙЛАС ЖЕМҚОРЛЫҚҚА ҚАРСЫ АДАЛ ҚОҒАМДЫ БІРГЕ ЖАСАЙЫҚ!

«Халық үніне құлақ асатын үкімет» тұжырымдамасы аясында жұмысты жетілдіру мақсатында «Шымкент – адалдық алаңы» жобалық кеңсесінің WhatsApp желісі ашылды. Кез-келген тұрғын тұрмыстық сыбайлас жемқорлық фактілері туралы немесе мемлекет тарапынан көрсетілетін қызметтер сапасы және т.б сұрақтары бойынша хабарласа алады.

Сонымен қатар, тұрғындар тарапынан келіп түскен сұрақтарға байланысты «ANTIKOR LIVE» және «ADAL KOMEK» жобалары аясында жауапты әр сала бойынша мамандары шақыртылып, тиісті сұрақтарға жауап беруде.

Өздеріңізге мәлім, Қазақстан Республикасы Сыбайлас жемқорлыққа қарсы іс-қимыл агенттігі Шымкент қаласы бойынша департаменті жанынан қазіргі пандемия жағдайына байланысты тұрғындарға қажетті дәрі-дәрмектер мен ауруханалардағы төсек орындарының тапшылығын және заңсыз бағалардың көтерілуін болдырмау, әлеуметтік желілерге мониторинг жұмыстарын жүргізу, сонымен қатар дәрігердің рұқсат қағазынсыз дәрілердің сатылуының алдын алу мақсатында жұмысшы топ құрылған.

Жұмысшы топ қатарына «Шымкент-адалдық алаңы» жобалық кеңсесі қызметкерлері енген болатын. Осы орайда, 3 қала дәріханаларында кассалық аппараты бола тұра тауар чегі берілмеген сонымен қатар «Меропенем» вирусқа қарсы дәрісі бағасын заңсыз көтергені және сатқаны үшін қала тұрғыны ұсталынды.

Жоба«Ізгілік елшісі» волонтерлік бағыты бойынша да бой көрсетуде. Аталған бағыт бойынша волонтерлердің қатысуымен 200 отбасыға азық-түлік, киімдер, медициналық бетперделер мен антисептиктер үлестірілді.

Қазіргі уақытта жобалық кеңсе өңірде сыбайлас жемқорлық деңгейін бағалау және қабылданып жатқан сыбайлас жемқорлыққа қарсы іс-шаралардың деңгейін білу мақсатында тұрғындар арасында сауалнама жүргізуде.

«Шымкент – адалдық алаңы» жобасында атқарылып жатқан игі істер легі осындай. Қаламыздың көркеюіне ат салысу, жерлестеріміздің өмір сүруіне қолайлы жағдай жасау – баршамызға ортақ іс. Адал қоғамды бірге жасайық!

«Шымкент — адалдық алаңы» жобалық кеңсесінің басшысы Жани Қамбар