Шымкенттік делегация Ұлы Абай елі – Семейге аттанды. Арнайы делегацияны Шымкент қаласы әкімінің бірінші орынбасары Шыңғыс Мұқан сәт-сапар тілеп, шығарып салды.
Делегация құрамында Шымкент қаласы және Түркістан облысынан ақындар, жазушылар, мәдениет саласының қызметкерлері, Рухани жаңғыру жобалық кеңсесінің өкілдері, журналистер мен блогерлер бар.
Ұлы Абайдың 175 жылдығына арналған сапар 15-17 қыркүйек аралығын қамтиды. Шараның бастамашысы және ұйымдастырушысы –«Серпіліс» қоғамдық қоры.
Саяхат сапарда түрлі сала өкілдері ұлы ақын Абай Құнабайұлы мен Шәкәрім Құдайбердіұлының шығармалары, тарихи орындар және құнды жәдігерлермен терең танысып, тұлғалардың рухына тағзым етеді.
Ақпарат көзі Шымкент келбеті газеті