Шымкент қаласы бас имамының орынбасары Мұхамеджан Естеміров Абай ауданындағы Ақжар елді мекеніне «Мейірман» мешітінің тыныс-тіршілігімен танысу үшін арнайы барды.
Кездесу аясында мешіттің бас имамы Дәурен қажы Тасқараев атқарылған жұмыстары туралы қысқаша баяндады. Аталмыш мешіт ауласына тал-теректер мен гүл көшеттері отырғызылып абаттандыру жұмыстары жүргізілген. Бұған қоса, демеушілердің көмегімен мешіттің дәретханасы жаңадан салынып, пайдалануға берілді.
Сондай-ақ, наиб имам Шымкент қаласының бас имамы Бақдәулет қажы Абдрахмановтың берген тапсырмаларын жеткізді. Оның ішінде індет кезінде санитарлық талаптарды сақтау, жат ағым мүшелерімен жеке және жалпы кездесулер мен уағыз-насихат жұмыстарын күшейтуді және ұдайы мешіттердің тазылығына назар аудару т.б.